حل المسألة الحسابية دى
مدرسة مكونة من 6 فصول مقسمة حسب المستوى التعليمى للطلبة اللى فيها
فصل رقم 1- للممتازين فى التفوق
2- فصل للمتفوقين
3 فصل للمجتهدين
4- فصل للمتوسطين
5- فصل للضعفاء فى المستوى
6- فصل للبلدة (جمع بليد وهو الطالب الفاشل الغبيى الخ)
عملت المدرسة مسابقة بينهم واختارت أشطر طالب فى كل فصل ودخلوا المسابقة
نتيجة المسابقة بالمنطق فى اسوأ حالتها هتبقى تقريبا بترتيب مستوى الطلاب
يعنى الأول هايكون من فصل واحد وهكذا .. حتى وان كانت النتيحة مختلفة فكيفما كانت اي اللى ممكن يحصل
نفترض رقم 6 طلع مثلا الثالث أو حتى السادس
هل ينفع نقول انه الثالث أو السادس ع المدرسة كلها .. ونبقى تجاهلنا بقيت طالاب المتفقوين والفوق متفوقين والمتوسطين وغيرهم؟!!!!
هو ده اللى حاصل مع الأهلى لما التصفيات أهلت فريق من كل قارة ولعبوا سوا فى اليايابن والأهلى حصل ع المركز الثالث (من 6 فرق ماشاء الله عليه ربنا يخليه لأمه) وبعدين طلعوا علينا الاهلاوبة يقولوا الاهلى تالت العالم وكأن مفيش مثلا ريال مدريد ولا مانشستر يونايتد ولا ليفربول ولا بورتو ولا بنفيكا ولا ايه سي ميلان ولا يوفاتوس ولا تشيلسي ولا اياكس ولاولاولاولا الخ
متجاهلين كمان ترتيب الفيفا الدولى الشهرى والسنوى اللى بيتعمل بشكل دورى وغيره وطلعوا مقياس من دماغهم لمجرد بطولة حديثة العهد وممكن تتلغى فى لحظة زى ما حصل سنة 2002 لما الزمالك كان المفروض ان يشارك فيها لولا الفيفا لغتها علشان مفيش رعاة .. يعنى الزمالك لو كان شارك وباسوأ الفروض خسر كل الماتشات كنا نقدر نقول انه سادس العالم ..... لا طبعا كلام عبيط واللى يفتكر غير كده يبقى اكيد اهبل
بس هو ده حل المسألة بكل بساطة .. يا جمهور ضحك من جهله الجماهير!!
الثلاثاء مايو 13, 2008 12:42 am
