... إلا محمد ( صلى الله علية وسلم ) ...
شيٍ بوسط الصدر جاله وجاله
وزادن عليّ جروح قلبي والآلام
ساعة قريت وشفت..فحوى المقاله
ماعاد هي قصة تعاليل وهيام
لابارك الله في عزيزٍ بدا له
شيٍ يضيمه..ماضرب ضربة حسام
ولابارك الله بالقصيد ومجاله
كانه لنصـرة سيد الخلق ماقام
ياأمة المليار.. ماهيب حالـَه
إلى متى حنـّا من الغرب ننظام؟
الى متى يفرض علينا ابتذاله؟
الى متى نربط أملنا بالاحلام؟
الى متى والكل سالي وداله؟
الى متى نبقى تماثيل واقلام؟
جاروا علينا الشرذمه والحثاله
بالغلّ والحقد المبطن والإعلام
يرسم رسول اللهْ.. ويشمت بحاله !!
وينشر بجاحاته على دين الاسلام !!
شلـّـت يمينـه.. لا .. وشلـّـت شماله
لا والله الا .. جعله يموت مانام
جعله سقيمٍ .. مايطالع ظلاله
جعله يشوف اليوم يمضي مثل عام
وجعله يشوف الموت شوفة عياله
ويعدّ عمره بالدقايق والايام
ودّه يموت.. ولايحصـّـل منـاله
الا بعد مايحتري موته..اعوام
وان مات جعله في جهنـم..وفاله
نارٍ بها يرجي حياته والاسقام
إلا رسول الله حامي الرساله
( إلا محمد ) .. سيّد الخلق الاكرام
صلى عليه اللـَّه جلَّ جلاله
ومكرّمه عنهم .. حكومة و حكام